Welcome to FrenchMoli! - பிரெஞ்சுமொழி வலைத்தளத்துக்கு நல்வரவு!

பிரெஞ்சு மொழி கற்போம்
வணக்கம்! வாருங்கள் உறவுகளே! Bienvenue en Frenchmoli !

புதிதாக தொடங்கப்பட்ட இந்தப் பிரெஞ்சுமொழி (FRENCHMOLI) வலைத்தளத்திற்கு உங்கள் அனைவரையும் அன்புடன் வரவேற்பதில் மகிழ்ச்சி!
  • நீங்கள் பிரான்சுக்கு புதிதாக வந்தவராக இருக்கலாம்.
  • நீங்கள் பிரான்சுக்கு வந்து ஒரு குறிப்பிட்ட காலமாகியும் கூட பிரெஞ்சு மொழியை கற்கும் வாய்ப்பு, நேரம் கிட்டாதவராக இருக்கலாம்.
  • பிரான்சு வந்து வதிவிட/ குடியுரிமை போன்ற நிலையை எட்டுவதற்கான, பிரான்சு அரசு கோரும் A1, A2, B1 போன்ற பிரெஞ்சுமொழி தகமைகளுக்காக பிரெஞ்சு கற்றுக்கொண்டிருப்பவராகவும் இருக்கலாம்.
  • பிரெஞ்சு மொழியை கற்று, கல்வி தகமைகளுடன், பிரான்சில் கல்வி வீசா அல்லது தொழில் வீசா பெறுவதற்கான முயற்சியில் உள்ளவராகவும் இருக்கலாம்.
  • பிரான்சு நாட்டிற்கு வரும் எண்ணம் அல்லது அம்முயற்சியில் பிரெஞ்சு கற்கும் ஆர்வத்தில் உள்ளவராகவும் இருக்கலாம்.
  • பிரெஞ்சு கற்றிருப்பினும், மேலும் அதனை மேம்படுத்திக்கொள்ளும் நோக்குடையவராகவும் இருக்கலாம்.
எதுவானாலும் பரவாயில்லை, இதோ இது உங்களுக்கான தளம்!
இந்தப் பிரெஞ்சுமொழி வலைத்தளத்தில், அடிப்படை முகமன் சொற்கள் முதல் பிரெஞ்சு இலக்கணம் வரை அனைத்துப் பாடங்களும் முற்றிலும் இலவசமாக  வழங்கப்படும்.

நீங்கள் செய்ய வேண்டியது, இந்தப் பிரெஞ்சு மொழி வலைத்தளத்தை தொடர்ந்து பின்பற்றுவது மட்டுமே.
விரும்புவோர் எந்த வயதினரானாலும் இணைந்து கற்கலாம். முழுமையான தமிழ் விளக்கத்துடன் பிரெஞ்சு பாடப் பயிற்சிகள்!
அதுமட்டுமன்றி, பிரான்சின் வரலாறு, பிரெஞ்சு புரட்சி, சிறப்பு ஆக்கங்கள் என பிரான்சு மற்றும் பிரெஞ்சு மொழி தொடர்பான பயனுள்ள பல்வேறு விடயங்களையும் நீங்கள் இத்தளத்தில் எதிர்பார்க்கலாம்.
உங்கள் பங்களிப்பு:


அன்பின் உறவுகளே! இந்த இணைய வழி பிரெஞ்சுப் பாடங்கள், எந்த இலாப நோக்கமும் இன்றி, எமது சமூக நலஞ்சார் நோக்கில் மட்டுமே வழங்கப்படுகின்றன. இவை எந்தளவிற்கு பயனுள்ளவை என்பதை நீங்கள் தான் கூறவேண்டும். இப்பாடங்கள் பயனுள்ளவை என நீங்கள் கருதினால், இத்தளத்தை உங்கள் நண்பர்கள், உறவினர்கள், மற்றும் பிரெஞ்சு கற்க விரும்பும் ஆர்வலர்கள் என அனைவரிடம் கொண்டு செல்லுங்கள். உங்கள் சமூக வலைப்பக்கங்கள் ஊடாகவும் பகிரலாம். 

நன்றி!

அன்புடன்
ச. தங்கவடிவேல் | Sa. Thangawadivel
Île-de-France, France

பி.கு.: கீழுள்ள ஐகொன்களை சொடுக்கி, எமது சமூக வலைப்பக்கங்களான: முகநூல் | இன்சுடாகிராம் | டுவிட்டர் | பின்டரசுட் | லின்கிடின் போன்றவற்றின் ஊடாகவும் எம்முடம் இணைந்துக்கொள்ளலாம். எமது முகநூல் பக்கத்தில் "இன்று ஒரு சொல்" எனும் ஒரு பகுதியில் ஒவ்வொரு நாளும் ஒவ்வொரு பிரெஞ்சு சொல் வழங்கப்பட்டுக்கொண்டிருகிறது. அப்பக்கத்தை பின்தொடர்ந்து உங்கள் பிரெஞ்சு சொல்வளத்தையும் பெருக்கிக்கொள்ளலாம்.

        
Location: France

Comments

  1. AviatorMay 30, 2022 at 7:16 AM

    உங்களின் மின்னஞ்சல் முகவரியை அனுப்புங்கள்.

    ReplyDelete

Post a Comment

Popular posts from this blog

பிரெஞ்சு எண்கள் 1 - 100 (French Numbers 1 - 100 in Tamil)

Image
வணக்கம் உறவுகளே!  இன்று நாம் இந்த பிரெஞ்சுமொழி பாடத்தில், எப்படி பிரெஞ்சு எண்களை 1 முதல் 100 வரை எண்ண வேண்டும் என்று பார்ப்போம். பிரெஞ்சு மொழியில் எண்களை ' லெ நொம்bப்ர' (Les nombres) என்று அழைப்பர். (Les nombres de 1 à 100 en français)  உங்கள் ஒலிப்பு/ உச்சரிப்பு பயிற்சிக்காக, ஒவ்வொரு பிரெஞ்சு எண்ணினதும் ஒலிப்பு வடிவம் தமிழ் எழுத்துக்களால் எழுதிக்காட்டப்பட்டுள்ளது. இருப்பினும் தமிழ் எழுத்துக்கள் கொண்டு பிரெஞ்சு மொழிச் சொற்களை அல்லது பிரெஞ்சு மொழியின் ஒலிகளை துல்லியமாக எழுதிக்காட்டுதல் என்பது முற்றிலும் சாத்தியமானது அல்ல என்பதை முதலில் எல்லோருக்கும் அறியத்தருகிறேன். அதேவேளை பிரெஞ்சு எண்களின் ஒலிகளை எழுத்துவடிவில் எழுதிக் காட்டாமல், எவரும் எமது மொழிக் குடும்பத்துடன் தொடர்பில்லாத, ஐரோப்பிய மொழிக் குடும்பத்தைச் சேர்ந்த பிரெஞ்சு மொழியின் ஒலிப்புமுறையை எளிதாக கற்கவும் இயலாது. எனவே, முடிந்தவரை எளிதாக தமிழ் எழுத்துக்கள் கொண்டு எழுதிக்காட்டப் பட்டுள்ளன என்பதை கருத்தில் கொள்க. அதேவேளை தமிழ் தவிர்ந்த ஆங்கில எழுத்துக்களும் தமிழில் புழங்கும் கிரந்த எழுத்துக்களும் இப்பாடத்தில் பயன்படுத்தப்...
Read more

பிரெஞ்சு கிழமை நாட்கள் (French Days of the Week in Tamil)

Image
வணக்கம் உறவுகளே!  இன்று நாம் இந்த பிரஞ்சுமொழி பாடத்தில், பிரெஞ்சு மொழியில் எப்படி கிழமை நாட்களை கூறுவது என்று பார்ப்போம். பிரெஞ்சு மொழியை கற்கும் நாம் முதலில் பிரெஞ்சு மொழியின் அடிப்படை சொற்களை அறிந்துக் கொள்ள வேண்டும். பிரெஞ்சு மொழியின் கிழமை நாட்களின் பெயர்களையும் அவற்றை எப்படி பிரெஞ்சில் ஒலிப்பது என்பதையும் கட்டாயம் அறிந்து வைத்துக்கொள்ள வேண்டிய ஒன்றுதான்.  "கிழமையின் நாட்கள்" என்பதை பிரெஞ்சு மொழியில் “Les jours de la semaine” என்பர். பிரெஞ்சு கிழமை நாட்களின் பிரெஞ்சு ஒலிப்பை எளிதாக கற்றுக்கொள்ளும் நோக்கில், அவற்றை நீல நிறத்தில் வேறுபடுத்தி காட்டப்பட்டுள்ளது. அதேவேளை அவற்றை தமிழ் எழுத்துக்களில் மட்டுமே எழுதிக் காட்ட முடியாது என்பதால், தமிழில் புழங்கும் கிரந்த எழுத்துக்களையும், உரோமன் எழுத்துக்களையும் சேர்த்தே எழுதிக்காட்டப்பட்டுள்ளன என்பதை பொறுத்தருள்க. பிரெஞ்சு பிரெஞ்சு ஒலிப்பு தமிழ் Lundi லந்தி திங்கள் Mardi மர்dதி செவ்வாய் Mercredi மெர்கிறdதி புதன் Jeudi ஜுdதி வியாழன் Vendredi வோந்திறdதி வெள்ளி Samdi சம்dதி சனி Dimanche dதிமோஷ் ஞாயிறு இ து ஒரு குரும்பாடமாகும். இருப்பினு...
Read more

Frenchmoli | பிரெஞ்சுமொழி: பிரெஞ்சு மாதங்கள் (French Months of the Year in Tamil)

Image
FrenchMoli :  Les mois de l'année en tamoul வணக்கம் உறவுகளே! இன்றைய பிரெஞ்சுமொழி (FrenchMoli) பாடத்தில், நாம் பார்க்கப் போவது பிரெஞ்சு மொழியில் மாதங்களின் பெயர்களை எப்படி கூறவேண்டும் என்பதையாகும்.  அநேகமாக இவை தமிழர்களான எமக்கு பெரும் சிரமம் இன்றி எளிதாக கற்கக் கூடியதாக இருக்கும் என்று நினைக்கின்றேன். ஏனெனில், இவை நாம் அன்றாடம் பயன்படுத்தும் ஆங்கில மாதங்களின் பெயர்கள் போல் கிட்டத்தட்ட இருப்பது என்பதுவே ஆகும்.  இருப்பினும் பிரெஞ்சு மொழியில் மாதங்களின் பெயர்களை எழுதும் முறையும் ஒலிக்கும் முறையும் ஆங்கிலத்தைப் போன்றல்லாமல்  வேறுபட்டவை. அதனை சரியாக விளங்கிக்கொண்டோமானால், எளிதாக பிரெஞ்சு மாதங்களின் பெயர்களை நினைவில் வைத்துக்கொள்ளலாம்.  இன்றைய இப்பாடமும் பிரெஞ்சு மொழியின் அடிப்படை பாடங்களில் ஒன்றாகும். பிரெஞ்சில் மாதங்களை “Les mois de l'année” என்பர். பிரெஞ்சில் “ஆண்டின் மாதங்கள் தமிழில்” என்பதனை “Les mois de l'année en tamoul” என கூறவேண்டும். பிரெஞ்சு பிரெஞ்சு ஒலிப்பு தமிழ் janvier ஜோன்வியே சனவரி février fபெவ்ரியே பெப்ரவரி mars மார்ஸ் மார்ச் avril அவ்ரீல் ஏப்ரல் mai ...
Read more